За потребите на текстов, без разлика колку е краток, би било фино да знам барем дел од биографијата на Рич Кели, ама од друга страна, тоа и нема премногу врска, нели? И онака рубрикава ја додадов за да се вчудоневидувам од непрекинато фасцинантната конекција меѓу цртањето, сликањето, уметноста, со поп-културата и поконкретно, со музиката, со филмот и со телевизијата. Како што може и да се забележи подолу, Кели досега изработувал принтови за изведувачи кои варираат од Дејв Метјуз, преку Phish до Bonnie Prince Billy и за легендарни кино и ТВ-наслови како Star Wars, Wild at Heart и Star Trek. Во едно од ретките интервјуа, авторот нагласува дека кога создава дело, се обидува да им верува на сопствените инстинкти и да не си ги преиспитува мотивите. Веројатно затоа неговите креации отскокнуваат со флуидноста (молам?).
Dave Matthews
Escape from the Planet of the Apes