кулпоп
  • ПОЧЕТНА
  • ВЕСТИ
  • МУЗИКА
    • Албуми
    • Концерт
    • Звучни резови
    • Синглтека
    • Плејлиста
  • ФИЛМ
  • ИНТЕРВЈУ
  • РЕПОСТ
  • КОЛУМНИ
  • ТЕЛЕВИЗИЈА
  • ПОСТЕРИЗАМ
  • ИНФО
  • ПОЧЕТНА
  • ВЕСТИ
  • МУЗИКА
    • Албуми
    • Концерт
    • Звучни резови
    • Синглтека
    • Плејлиста
  • ФИЛМ
  • ИНТЕРВЈУ
  • РЕПОСТ
  • КОЛУМНИ
  • ТЕЛЕВИЗИЈА
  • ПОСТЕРИЗАМ
  • ИНФО

кулпоп

АлбумиМУЗИКА

Tau Cross ‎- Tau Cross [Relapse, 2015]

од Александар Саздовски 17/11/2015
напишано од Александар Саздовски 17/11/2015

Тau Cross

Панкот и духовноста, по правило и дефиниција, не се компатабилни. Првиот, сè наоколу гледа низ објектив на нихилизмот. Втората, во сè над, под, лево и десно се обидува да пронајде инспирација. Едното е родено како реакција на лажното. Другото често ја открива вистината во конструкции базирани на измислици и на лага, а не на факти и на реалност. Експлозивноста и директноста најприродно се врзуваат за музичкиот жанр. Размислите и писанијата за спиритуалноста, пак, не се срамат од потребата за истражување на (или губење во) менталните или во зборовните лавиринти. Синовите на суровата британска краст-сцена во 80-тите, Amebix, понудија алтернатива и негативноста во фаца ја заменија со позитивен агностицизам на умот. Роб Милер-Баронот, фронтмен на широко влијателната група, со Tau Cross уште подлабоко навлегува во тунелите на душата.

Неговото најактуелно музичко поглавје вклучува уште тројца искусни ликови од хеви-андерграундот: Мишел Ланжевин од Voivod на тапани, заедно со Енди Лефтон од War//Plague и Џон Мизери од Misery на гитари. Милер, обединет со својот брат Кристијан и Рој Мајорга, го изненадија подземниот свет на гласниот звук издавајќи го софистицираното чудо Sonic Mass во 2011 година по што пак го испратија Amebix во пасиштата на историјата. Без да звучи рециклирано, баш каде што овој албум застана, Tau Cross продолжува со дебито именувано според составот. Краст-суровоста од 80-тите и тука е само дамнешно влијание, дури и ехо на други, подраматични, лични, времиња. Гитарите, со нивните суви рифови со високи тонови, воспоставуваат врска со постарата ера, а остатокот, на прва топка, оддава впечаток на Killing Joke во современата фаза.

Продукциски, саундот е најблизок до бучната, но не напорна, механизираност на Voivod. Целиот микс е помалку придушен, компресиран, а одоздола корне бас од амбисовидни пропорции. Атмосферата, бездруго, е мрачна, меѓутоа, не е неповратно безнадежна. Впрочем, тоа е јасно уште на старт, каде што Баронот се осврнува на идејата за враќањето во живот со повикување на приказната за Lazarus. Траката има и диги-семпл којшто ги најавува и индастриал апетитите кои авторите ги задоволуваат во текот на целата збирка. Оргулите набрзина ја отвораат Fire in the Sky и иако Роб лае за огнот на небото, песната може да се однесува и на островот Скај, каде што тој живее од 1991 година и играјќи со пламенот, изработува мечеви. Да – рачно лее и кове заборавени орудија. Остар како Екскалибур, трешот коле на Stonecracker, пропаста обезма од катранот на Midsummer, а Hangmans Hyll прави класично, епско, хеви-дум-свртување.

Виолончелото, оркестрациите и акустиката ја преповиваат We Control the Fear, блузот плаче од гитарата, а стиховите пробиваат директно низ стравот изроден од сведувањето на смртта на две последици – рај или пекол. Бавниот метал-грув со слаџерски примеси се тегави од You People и Prison, додека Sons of the Soil се приближува до интроспективните мигови на Neurosis. Сабатовско-стоунерски риф раздробува сè околу себе на The Lie, по што басот на стартот од Our Day се навраќа на крастерските корени на членовите. Милер се приклучува со баритон ала Боуви, па аудио-хаосот се појавува како извонредна подлога додека лидерот со сиот капацитет на белите дробови извикува дека секоја човечка генерација се крши и пропаѓа, а корупцијата владее насекаде. Тој, сепак, завршува со верба оти за луѓето, кои се родиле слободни, но тоа право им било украдено, ќе дојде денот на заедничката победа. Тука, практично, сè кулминира, ама анплагдот на The Devil Knows His Own се надоврзува како умен, хуман, монолог-епилог. Со него Tau Cross го задава финалниот удар на албумот којшто како меч пресекува низ цела планина легенди, филозофии и опипливи прашања со кои човечкиот дух секој ден е во допир.

Оцена: 80/100

Артист: Tau Cross
Албум: Tau Cross [стрим]
Датум на објава: 19 мај 2015
Продуцент: The Smiddy
Издавач: Relapse

Листа на песни:
1. Lazarus – 4:58
2. Fire In The Sky – 4:39
3. Stonecracker – 4:18
4. Midsummer – 5:29
5. Hangmans Hyll – 6:22
6. We Control The Fear – 4:28
7. You People – 4:00
8. Prison – 3:54
9. Sons Of The Soil – 4:32
10. The Lie – 4:24
11. Our Day – 5:00
12. The Devil Knows His Own – 2:35

индастриалметалпанкрок
0 коментар
FacebookTwitter
Александар Саздовски

претходен пост
Wolf Alice – My Love Is Cool [Dirty Hat, 2015]
следен пост
Beach House – Depression Cherry [Sub Pop, 2015]

Слични написи

Russian Circles – Guidance [SH, 2016]

Smut – Тие се насекаде [Password, 2018]

Culture Development – Еднаш свет изградив… [Дип /...

Bernays Propaganda – Политика [Moonlee, 2016]

The Chemical Brothers – Born in the Echoes...

Deafheaven – New Bermuda [ANTI-, 2015]

Фонија – …без име [2015]

Beach House – Depression Cherry [Sub Pop, 2015]

Wolf Alice – My Love Is Cool [Dirty...

ANNA O. – Подочњаци [Кран, 2015]

Остави коментар Откажи го одговорот

Зачувај го моето име, е-маил и вебсајт во овој прелистувач за следниот пат кога ќе коментирам

Интервју

  • Chk Chk Chk: Не арчиме премногу време навраќајќи се на минатото

    19/05/2014
  • Dog Eat Dog: Целта не ја погодуваме секогаш, но никогаш не се плашиме да се испробаме

    12/05/2014
  • No Joy: Шворц-музичари сме, ама уживаме

    15/11/2013

Филм

Captain America: The Winter Soldier – Војник и...

Anchorman 2: Легендата нагло (де)ескалира

The Hunger Games: Catching Fire – Потрага по...

Rush: Мртва трка за животот

Gravity: Волјата e сила на човечката тежа

Колумни

  • Под ова небо железно „Архангел“ се претвори во сениште

  • SJF 2013: Напред кон историјата

  • 20.000 евра под морето од субвенции

Репост

Bon Iver – For Emma, Forever Ago [Jagjaguwar,...

Burst – Lazarus Bird [Relapse, 2008]

Underworld – Beaucoup Fish [Junior Boy’s Own, 1999]

ISIS – In the Absence of Truth [Ipecac,...

Esbjörn Svensson Trio – Seven Days оf Falling...

Телевизија

  • Les Revenants: Опседнувачка мистерија за морничавите повратници

  • True Detective: Скок во амбисот на човечкиот мрак

  • И Волтер Вајт имаше деца за чување…

Постеризам

Постеризам: Laurent Durieux

Постеризам: Doe Eyed

Постеризам: Емек

Постеризам: Рич Кели

Постеризам: Кен Тејлор

ВЕСТИ

  • Mando Diao и Therapy? на Таксират 2.0

  • Born From Pain го предводи четвртото „Востание“

  • Desonanz 2018 од 31 октомври до 4 ноември

ФИЛМ

  • Captain America: The Winter Soldier – Војник и во добро и во зло

  • Anchorman 2: Легендата нагло (де)ескалира

  • The Hunger Games: Catching Fire – Потрага по внатрешниот пламен

СТАТИИ

  • Топ 10 МК албуми во 2013

  • Топ 50 странски албуми во 2013 [25-1]

  • Топ 50 странски албуми во 2013 [50-26]

  • Facebook
  • Twitter
  • Youtube
Footer Logo
  • ПОЧЕТНА
  • ВЕСТИ
  • МУЗИКА
    • Албуми
    • Концерт
    • Звучни резови
    • Синглтека
    • Плејлиста
  • ФИЛМ
  • ИНТЕРВЈУ
  • РЕПОСТ
  • КОЛУМНИ
  • ТЕЛЕВИЗИЈА
  • ПОСТЕРИЗАМ
  • ИНФО

@2018 - кулпоп


Назад на врвот