23/08/2017

June со свирка во Soulmatik ќе го претстави новиот албум Indian Summer

Постирано на 18/12/2014 од во Вести

Македонската музичка сцена, онаа невидливата – несубвенционирана – сама по себе е надвор од секоја нормалност што изминативе години масовно се сервира (и глатко конзумира). Во нејзини рамки, June отсекогаш биле аномалија. Комплимент? Недвосмислено. Нивната скромност во јавноста и ненаметливост во изразот единствено се рамни со посветеноста со која што се придржуваат до својот филм и со решеноста со која – во овие крајно извртени услови – пишуваат нови песни. Краен резултат од тоа, секако, се албумите, а најсвежиот, Indian Summer, групата ќе го промовира в понеделник, 22 декември, во новиот бар Soulmatik во Дебар Маало (непосредно до ресторан „Дада“). Влезот е слободен.

Второто издание четворката го сними во скопското студио marryPhat со Ивица Јанкуловски, кој беше одговорен и за миксањето и за мастерирањето. Продуценти на збирката од десет траки се Филип Арсов и Кристијан Евго, кој е и гостин со акустична и електрична гитара, придружни вокали и укулеле. На композициите се појавуваат и Јане Трајковски (труба), Огнен Анастасовски (пијано, роудс, хамонд), Александар Ниниќ (туба), Ненад Тонкин (пијано, хармоника) и Горан Муратовски (виолина). Дизајнот е на Кристијан Ристески – Кинџо, додека материјалот ќе се појави под етикетата на Password Production.

Основан во октомври 2010 година June e составен од Бојана Низамовска, Филип Арсов, Данчо Поповски и Анте Гулин. Во 2012 го објавија дебито Someday Soon кое што е бесплатно за преземење. Освен со него, доколку не сте имале прилика, со бендот може да се запознаете и со тазе-синглот, The Wall, за којшто квартетот направи и текстуален видеоспот.

Напиши одговор

Ве молам пополнете ги потребните полиња инаку нема да можете да коментирате. Користете пристојни зборови. Вашата e-mail адреса нема да биде објавена.

Gravatar е поддржан.

Можете да ги користите следниве HTML кодови: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>