22/01/2018

Синглтека: Bei the Fish (Feat. Karolina) – Ideal Woman [2011]

Постирано на 11/02/2011 од во Синглтека


Скопските гаражи и штипски “Макфест” припаѓаат на два, целосно, различни македонски музички светови. Инди-поп-рокерите Bei the Fish потекнуваат од првиот, популарната изведувачка Каролина Гочева дебитира во вториот. На нивниот прв заеднички сингл, Ideal Woman, не се чувствува дека тоа создало бариера. Спојот на овие две имиња изгледа неприродно, а звучи најприродно.

Албумот од којшто ја извадиле оваа песна, Bei the Fish го нарекува мјузикл. Токму затоа, Ideal Woman, не функционира, идеално, како сингл. Во рамки на концептуална целина, како надоврзување на When He Was Young, како спот во стил на Mad Men, глатко би се вклопила. Искорната засебно, како идеја, асоцира на Come What May на Јуан Мекгрегор и Никол Кидман во “Мулен Руж”, што, на ист начин, надвор од филм (мјузикл), не вирее најсјајно.

Музички, ова е познатиот Bei the Fish. Оригинален и чуден, сериозен и слушлив на свој, типичен, начин. Со оглед на тоа што се работи за (веројатно) еднократна соработка, бендот можел посмело да ја потисне сопствената арт-страна, да му дозволи на меинстримот да се вплоти во нумерата, да биде позабавен. Како што е склопена, ова е крајно карактеристична Bei the Fish-песна.

За дрскоста на неа да поканат да им пее една од најголемите естрадни ѕвезди во земјава, на бендот треба капа да му се симне. Ако, пак, смогнеле сили, само овој пат, да побегнат од својот свет и релаксирано, дури на шега, да се телепортираат во некој лефтерен, поп-топ-листа-екстрем, Ideal Woman ќе беше посимпатична и позанимлива песна. Како сингл, секако.

Оцена: 64/100

Артист: Bei the Fish (Feat. Karolina)
Сингл: Ideal Woman
Датум на објава: 14 февруари 2011
Издавач: Circle Production / PMG Recordings

Тагови: , ,

6 Responses to “Синглтека: Bei the Fish (Feat. Karolina) – Ideal Woman [2011]”

  1. Андријана 11 февруари 2011 at 14:24 #

    А зошто мора меинстримот да се вплоти во нумерата?

    • Александар 11 февруари 2011 at 15:30 #

      Прво, а зошто да не? Второ, како што и напишав, зашто така ќе биде позабавна и посимпатична, едно лефтерно полукружно свртување што не сме го чуле од BTF, кои, и онака, се поп-бенд.

      • Андријана 11 февруари 2011 at 16:49 #

        Позабавна и посимпатична за увото на оние што слушаат комерцијална музика?

        • Александар 11 февруари 2011 at 17:53 #

          Хммм, па BTF ги има на MTV, едно време долго беа на врвот на нивна топ-листа, зарем тоа не значи дека и нивната музика е комерцијална?

  2. Андријана 11 февруари 2011 at 22:06 #

    па тоа што меинстримот не (секогаш) се вплотува во нивните песни не го дава одговорот на тоа дали нивната музика е комерцијална?

    • Александар 12 февруари 2011 at 11:47 #

      Ептен е просто, штом е на топ-листи на MTV, плус и на прво место, музиката на Bei the Fish E комерцијална.


Напиши одговор

Ве молам пополнете ги потребните полиња инаку нема да можете да коментирате. Користете пристојни зборови. Вашата e-mail адреса нема да биде објавена.

Gravatar е поддржан.

Можете да ги користите следниве HTML кодови: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>